L'Indonesia, paese situatu à l'altura di a costa di l'Asia sudorientale cuntinentale in l'oceani Indianu è Pacificu. Hè un arcipelagu chì si trova à traversu l'Equatore è si stende per una distanza equivalente à un ottavu di a circunferenza di a Terra. E so isule ponu esse raggruppate in e Grandi Isule di a Sonda di Sumatra (Sumatera), Java (Jawa), l'estensione miridiunale di Borneo (Kalimantan) è Celebes (Sulawesi); e Piccole Isule di a Sonda (Nusa Tenggara) di Bali è una catena d'isule chì corre versu livante attraversu Timor; e Molucche (Maluku) trà Celebes è l'isula di Nova Guinea; è l'estensione occidentale di a Nova Guinea (generalmente cunnisciuta cum'è Papua). A capitale, Jakarta, si trova vicinu à a costa nordoccidentale di Java. À u principiu di u XXI seculu, l'Indonesia era u paese più pupulosu di l'Asia sudorientale è u quartu più pupulosu di u mondu.
Data di publicazione: 23 di settembre di u 2019