Меѓународен аеродром во Пекинг

Меѓународниот аеродром „Пекинг Капитал“ е главниот меѓународен аеродром што го опслужува градот Пекинг, во Народна Република Кина.

Аеродромот се наоѓа 32 км (20 милји) североисточно од центарот на градот, во округот Чаојанг, во приградската област Шунји. Во последната деценија, аеродромот ПЕК се издигна како еден од најпрометните аеродроми во светот; всушност, тој е најпрометниот аеродром во Азија во однос на патниците и вкупниот сообраќај. Од 2010 година, тој е втор најпрометен аеродром во светот во однос на патничкиот сообраќај. Постои уште еден аеродром во Пекинг наречен аеродром Пекинг Нанјуан, кој го користи само „Чајна Јунајтед ерлајнс“. Аеродромот во Пекинг служи како главен центар за „Ер Чајна“, „Чајна Саутерн ерлајнс“, „Хајнан ерлајнс“ и „Чајна Истерн ерлајнс“.